Umukino wa gicuti Police FC yatsinzemo APR FC ibitego 2-1 ku Cyumweru, tariki ya 3 Kanama 2025, wasize bamwe bibaza ibibazo bitandukanye, abandi bafata imyanzuro ku makipe yombi.Uyu mukino wabereye kuri Kigali Pelé Stadium, wari uwa kane wa gicuti kuri Police FC yatsinzwe na Intare FC igitego 1-0 mbere yo kwerekeza i Rubavu aho yatsindiye Rutsiro FC igitego 1-0 na Marine FC ibitego 2-0.Ni mu gihe wari uwa gatanu kuri APR FC yatsinze Gasogi United ibitego 2-1, ikanganya na Gorilla FC inshuro ebyiri ku bitego 2-2 na 1-1, ikananyagira Intare FC ibitego 4-0.IGIHE yakusanyije ibintu by’ingenzi byaranze uyu mukino wari wahuje amakipe y’abashinzwe umutekano.Imikino ya ‘Pre-season’ iri ku rwego ruruta urw’amarushanwaMuri iyi minsi, benshi mu bakunzi b’umupira w’amaguru ntibemerenya n’urwego amakipe yabo agaragaza mu kibuga iyo akina amarushanwa arimo Shampiyona cyangwa Igikombe cy’Amahoro.Ibyo bitandukanye cyane n’ibiri kugaragara mu mikino ya gicuti aya makipe ari gukina, aho iri kugaragaramo