Arsenal yatsinze Manchester United igitego 1-0 cya Riccardo Calafiori, mu mukino wa mbere w’amakipe yombi utangira Shampiyona y’u Bwongereza (Premier League).Kuri iki Cyumweru, tariki ya 17 Kanama 2025, ni bwo mu Bwongereza hakinwe imikino itatu isoza Umunsi wa Mbere, harimo n’ukomeye wakiriwe na Manchester United wabereye kuri Old Trafford.Uyu wari umukino wo kwipima hagati ya Arsenal na Manchester United FC, ziri mu makipe yitwaye neza ku isoko ry’abakinnyi agamije kuzitwara neza mu mwaka w’imikino wa 2025/26.Ku munota wa 13 Riccardo Calafiori yatsinze igitego cya Arsenal, ari na cyo rukumbi cyabonetse muri uyu mukino, gihesha iyi kipe amanota atatu ya mbere muri uyu mwaka.Nubwo Arsenal ari yo yatahanye amanota atatu, Manchester United ni yo yihariye umukino ndetse ibona uburyo bwinshi imbere y’izamu rya Arsenal nubwo nta musaruro waje kuvamo.Nyuma y’umukino, umutoza wa Man U, Ruben Amorim, yatangaje ko ari yo kipe yitwaye neza mu mukino, ndetse ati "Uyu munsi tugaragaje ko dushobora gutsinda umukino uwo ari wo wose muri Premier League."Umutoza wa Arsenal we, Mikel Arteta, yavuze ko wari umukino ukomeye ariko yashimishijwe n’uko babashije gukura amanota atatu i Old Trafford, ndetse avuga ko yabonye byinshi bagomba gukosora mbere y’indi mikino.Arsenal yatangiriye ku mwanya wa gatandatu n’amanota atatu, ku rutonde rw’agateganyo ruyobowe na Manchester City yatsinze Wolves ibitego 4-0.Indi mikino yakinwe kuri uyu munsi yasize Chelsea inganyije na Crystal Palac 0-0, mu gihe Nottingham Forest yatsinze Brentford ibitego bitego 3-1.