Iri sanganya ryabaye ku wa Gatanu w’icyumweru gishize, ubwo iyi ndege yari ihagurukiye ku Kibuga Mpuzamahanga cy’indege cya Los Angeles yerekeje mu Mujyi Atlanta.Amashusho yafashwe n’umuturage wari uri hasi ku butaka, nyuma agakwirakwizwa ku mbuga nkoranyambaga agaragaza moteri y’ibumoso y’indege yo mu bwoko bwa Boeing 767-400 yaka umuriro ubwo indege yari irimo ifata ikirere.Nta muntu n’umwe mu bagenzi cyangwa abakozi b’indege wagize ikibazo. Inkongi yahise izimywa indege ikimara kugera ku butaka.Urwego rwa Amerika rushinzwe indege za gisivile, FAA, rwatangije iperereza kugira ngo hamenyekane icyateye iyi nkongi.