Akarere k’Ibiyaga bigari u Rwanda ruherereyemo karimo imitwe yitwaje intwaro irenga 250 izikwirakwiza mu bice bitandukanye. Ntabwo byoroshye kubona umuntu witwaje imbunda mu Rwanda, atabarizwa mu nzego z’umutekano, gusa hari intwaro zari zarahishwe n’abahoze muri Ex-FAR, Interahamwe n’abacengezi zigenda zitahurwa zigasenywa.Kuva mu 2000, u Rwanda rwashyize umukono ku masezerano mpuzamahanga menshi agamije kurwanya ikwirakwizwa ry’intwaro nto n’iziciriritse, harimo ayasinyiwe i Nairobi mu 2000, ayasinyiwe i Kinshasa ku wa 1 Kanama 2011 n’ayandi.Abayobozi b’ibihugu bya Afurika biyemeje ko kugira ngo umugabane uzagere ku ntego wihaye ya 2063, bisaba ko intambara z’urudaca zihagarara mu bice bitandukanye, hagahagarikwa urusaku rw’imbunda.Gahunda yo gucecekesha urusaku rw’imbunda yagombaga kugerwaho mu 2020 ariko yimurirwa mu 2030.Politiki y’u Rwanda yo kurwanya ikwirakwizwa ry’intwaro nto n’iziciriritse yo mu 2009 kugeza mu 2014, igaragaza ko hamaze gusenywa imbunda 12.327 n’ibisasu bituri