Iradukunda Joxy ni umwe mu nkumi z’ikimero zigezweho muri sinema y’u Rwanda, benshi mu bamuzi bagahamya ko imiterere y’umubiri we ari kimwe mu bituma benshi biganjemo igitsinagabo bakunda filime ze.Uyu mukobwa winjiye ku rutonde rw’abakora sinema mu Rwanda, agiye kuzuza umwaka atangiye uyu mwuga.Icyakora nubwo ubu ari wo mwuga ahanze amaso, iyo muganira, Iradukunda akubwira ko atigeze akora sinema yateguye ko ari yo azagira akazi.Avuga ko yafunguye shene ya YouTube yifuza kwigisha abakobwa uko barushaho gutera neza, nyuma inshuti ze zikamwumvisha ko yanakora sinema.Ati “Ibya sinema bijya gutangira, ntabwo nafunguye shene mvuga ko ari byo ngiyemo, nta n’ubwo ari ibintu najyaga ntekereza. Nabyinjiyemo nshaka kujya nigisha abantu uko batera neza,cyera hari ukuntu nari nteye neza abantu bagakunda kumbaza uko mbigenza, mfungura shene ya YouTube ngo njye mbasubiriza rimwe kuko buri umwe ntari kubona uko mbasobanurira.”Nyuma yo gutangira akora ibiganiro byigisha abantu ibanga ryo gutera neza