BRALIRWA Plc ikomeje kugaragaza uruhare rwagutse rw’inzoga mu guteza imbere ubukungu, guhanga imirimo, guhuriza hamwe abafatanyabikorwa batandukanye barimo abahinzi bato, abatwara n’abakwirakwiza ibicuruzwa ndetse n’abakora mu rwego rw’ubukerarugendo no kwakira abashyitsi.Mu 2023, urwego rwo kwenga inzoga ku rwego mpuzamahanga rwagize uruhare mu mirimo ijyanye n’ubuhinzi irenga 6400000.Abahinzi ku ruhando mpuzamahanga bahinga toni z’ibyampeke bizwi nka ‘barley’ zibarirwa muri za miliyoni ku mwaka kugira ngo haboneke ibikenerwa bihagije mu kwenga inzoga.Ibyo bigira ingaruka mu bukungu kandi zikagera mu buryo bugaragara ku muturage wo hasi.Kuba inzoga zikunze gukorwa hifashishijwe ibikoresho bikomoka imbere mu gihugu, bituma inganda zikora inzoga zishora imari nyinshi mu buhinzi bw’imbere mu gihugu.Mu Rwanda, BRALIRWA ishyize imbere gahunda yo gukoresha ibikomoka imbere mu gihugu hagamijwe guteza imbere abahinzi.Abahinzi b’Abanyarwanda benshi bamaze kwitabira iyo gahunda, aho bahabwa imb